Starcodes skólinn

Hrabbý og Alma stofnuðu Starcodes skólan eftir að hafa tekið á móti mögnuðum skilaboðum frá ljósverum sem leiddu þær til bata eftir alvarlega lífskulnun.
Þær stöllur hafa fylgst að í yfir 35 ár og brallað ýmislegt á þeim tíma, meðal annars sótt fjölbreytt andleg námskeið í bráðum 20 ár.
Báðar höfðu þær gengið gegn sínu hjarta í góðan tíma, þær þekkja því vel þá tilfinningu að hlusta frekar á það sem ytra er og um leið vilja meira eða annað í lífinu en ekki vita hvernig á að nálgast það. Eftir magnað umbreytingarferli þar sem þær svöruðu kalli hjartans um að stökkva af hamstrahjólinu og umbreyta sínu lífi vinna þær nú með öðrum á svipuðu ferðalagi.
Þær leggja áherslu á að við erum aldrei búin í andlegri vinnu og þykir nauðsynlegt að halda áfram sjálfar að þróa sig og þroska til að vaxa með skólanum. Uppáhalds mantra Ölmu og Hrabbýar er að við verðum aldrei betri manneskjur, meðferðaraðilar og leiðsögukonur en vinnan sem við setjum í okkur sjálf!
Verslunin Orkusteinar er í eigu Starcodes skólans en þær stöllur hafa haft mikinn áhuga á kristölum og spilum í um 20 ár.