Kynningarborð, ráðgjöf og bókanir. Tarotlestur ein spurning einnig fyrir 3.000 kr. ef tími gefst inn á milli. Tekið við bókunum í tíma / kynning á listnámskeiði til að dýpka sköpun í náttúru Íslands". - Gjafabréf selt. Nýtt listnámskeið Sólveigar verður kynnt og skráning fer fram á Heimsljósamessunni. Einnig verða nokkur vatnslitaverka Sólveigar til sýnis og sölu á staðnum. Sýnishorn af listaverkum sem kynna möguleika þína að ná valdi á að beina þér einnig á brautina að vilja læra að mála inni eða úti í Íslenskri náttúru og tengjast þannig djúpt þeim skilningi sem náttúran er innra með þér.

07.09.2025 11:00 - 17:00 1

Samkomur

Heilunarguðþjónustan

Heilunarguðþjónusta verður haldin í Lágafellskirkju föstudaginn 19.sep. 2025 kl. 20. Söngur, bæn, heilun. Við hvetjum alla til að koma og taka þátt í fallegri stund. Heilunarstund Græðarar eru staðsettir á nokkrum stöðum fyrir altari. Biðjum þig að hugleiða innra með þér hvað þú biður Guð um að lækna. Biðjum þig að sitja í kyrrð bænarinnar þangað til athöfninni lýkur með blessun. Nærvera þín er mikilvæg. Tónlist og söngur á meðan á heiluninni stendur. Hann sendi þá að boða Guðs ríki og græða sjúka [Lúk,9.2] Séra Arndís G. Bernhardsdóttir Linn þjónar fyrir altari. Enginn aðgangseyrir. Sjá staðsetningu Lágafellskirkju

19.09.2025 20:00 - 21:15 1

Kynningar

Curcumin dropar

Kynning á nýjum curcumin dropum sem hafa 18.600% meiri virkni en áður þekkist

20.09.2025 11:00 - 17:00 1

Meðferðir

Orkuvinna/persónuleg þróun

Á heimsljósi mun ég nota bæði spil og innri þekkingu. Í gegnum þau tól fæ ég svar við spurningunni “hvað er mest aðkallandi í lífi kúnnans hér og nú, hvað er það sem mest þarfnast heilunnar á þessum tímapunkti?” Munið, ég get ávalt einungis farið inn á svæði sem kúnninn hefur gefið sitt samþykki fyrir, þau völd liggja ætíð hjá kúnnanum. Enska verður notuð á fundinum. Tek einungis við reiðufé.

20.09.2025 11:00 - 17:00 1

Kynningar

Dr. Konopka's vörur fyrir húð og hár

Dr. Konopka's hreinar og aukefnalausar snyrtivörur fyrir húð og hár.

20.09.2025 11:00 - 17:00 1

Meðferðir

Heilsunudd

Ása Gylfa heiti ég og er útskrifaður heilsunuddari frá FÁ. Ég treysti á innsæið og mátt handanna og vinn samkvæmt því.

20.09.2025 11:00 - 14:00 1

Meðferðir

Bowen bandvefslosun

Bowentæknin er mjúk og mjög slakandi meðferð, losar um læstan bandvef, virkjar sogæðakerfið og eykur flæði. Notaðar eru léttar rúllandi hreyfingar yfir vöðva, sinar og vefi. Bæði er hægt að vinna beint á húð og í gegnum léttan fatnað. Gerðar eru nokkrar hreyfingar og tekna pásur á milli til að leyfa líkamananum að vinna. Unnið er með líkamann heildrænt.* Bowen gefur mjög djúpa og góða slökun * Bowen eykur blóðflæði og virkni sogæðakerfisins * Bowen stuðlar að verkjalosun og eykur hreyfifærni * Bowen hefur góð áhrif á streitu og stuðlar að almennu jafnvægi * Bowen hentar öllum frá ungabörnun til aldraðra * Bowen getur hjálpað til við ótrúlega margt bæði andlegt og líkamlegt.

20.09.2025 11:00 - 17:00 1

Meðferðir

Sjamanísk heilun

Við bjóðum upp á öfluga sjamaníska heilun, sem byggir á þriggja ára námi okkar í sjamanískum aðferðum. Við höfum allar lokið þessu námi og störfum einnig sem leiðbeinendur nýrra nemenda.Við vinnum af virðingu fyrir hverjum og einum og í djúpri tengingu við anda, náttúru og innsæi. Heilunin styður m.a. við tengingu við eigin kraft og betra andlegt og líkamlegt jafnvægi.

20.09.2025 11:00 - 17:00 1

Kynningar

Starcodes Academy

Starcodes Academy býður upp á lengri og styttri námskeið, fyrirlestra og andlegt samfélag á vefnum ásamt því að vera með verslunina Orkusteina sem selur kristala, leiðsagnarspil og fleiri andlega tengdar vörur.Á Heimsljósi kynnum við starfsemi skólans, meðal annars: - Hjartaakurinn, andlega samfélagið okkar á vefnum - Heilun ættarlína, magnað námskeið þar sem við könnum áhrif forfeðranna á líf okkar - Engla Reiki heilunarnámskeið - Þín persónulega umbreyting sem er níu mánaða ferðalag sjáfsskoðunar - Sálarfóður, mánaðarlega samveru - Inspired to Create, hlédrag (retreat) með áherslu á sköpun - Önnur áhugaverð námskeið en hægt er að sjá upplýsingar um önn námskeið skólans á vefnum okkar. Við verðum einnig með kristalla, leiðsagnarspil, bækur og fleiri vörur til sölu. Við hlökkum til að sjá þig!

20.09.2025 11:00 - 17:00 2

Meðferðir

Fyrrilífsdáleiðsla

Dáleiðsla er djúpsefjun ekki ólík hugleiðslu. Eftir að hafa leitt viðkomandi í góða slökun er farið dýpra, inn í dulvitunina og eitt eða fleiri fyrri líf skoðuð með það að markmiði að bæta líðanina í dag. Hægt er að vinna með ýmis vandamál í gegnum dáleiðslu og/eða fyrrilífsdáleiðslu og væri gott ef viðkomandi hefði aðeins íhugað hvað hann myndi vilja vinna með. Það gætu verið t.d. tilfinningar, samskipti, líkaminn nú eða bara það sem gagnaðist best í dag. Viðkomandi mun vita af sér allan tímann og geta svarað spurningum. Engin hætta er á að eitthvað sé sagt eða gert sem viðkomandi ekki vill sjálfur.

20.09.2025 11:00 - 17:00 1

Meðferðir

Tíðnimeðferðir – Bioresonance therapy

Í boði eru tvennskonar meðferðir 1. Slökunar tíðnimeðferð 40 mín, sem stuðlar að því að líkaminn nái að róa taugakerfið. 2. Orkubúst tíðnimeðferð 40 mín, sem styður við orkubúskap líkamans. Vertu velkomin/n til okkar. Þurý Gísla og Fjóla Malen.

20.09.2025 11:00 - 17:00 1

Meðferðir

Höfuðbeina- og spjaldhryggjarmeðferð

Félagar í CranioSacral félagi Íslands munu bjóða upp á meðferðir. 3.000 kr. gjald er tekið fyrir hverja 15 mínútna meðferð. Höfuðbeina- og spjaldhryggjarmeðferð fer fram með þeim hætti að í flestum tilvikum liggur sá er þiggur meðferðina á bekk og er fullklæddur. Meðferðaraðilinn byrjar á að greina hreyfinguna í mænuvökvanum með því að þreifa eftir henni á nokkrum stöðum á líkamanum, finnur hann hvar spenna liggur sem hindrar hreyfinguna. Einnig leitar hann eftir staðbundinni spennu í bandvef. Meðferðin felst í því að losa um spennuna í bandvefnum og því að liðka til fyrir hreyfingu höfuðbeina og spjaldbeins. Síðan eru þessi bein notuð til að toga léttilega í himnurnar sem festast við þau. Þannig næst að losa um spennu í þessu himnukerfi. Algengt er að þessi meðferð taki um klukkustund í senn en það er mjög misjafnt eftir einstaklingum hve oft þarf að koma til að liðka vel um kerfið. Langflestir finna fyrir verulega bættri líðan á fyrstu 1-3 skiptunum. Einnig hafa mjög margir gert þessa meðferð að reglubundnum þætti í sinni heilsueflingu. Yfirleitt er notaður léttur þrýstingur eða tog sem hefur að markmiði að meta og meðhöndla himnurnar sem umlykja miðtaugakerfið. Þessi meðferð vinnur með líkamanum í að auka eigin getu til að efla starfsemi miðtaugakerfisins, minnkar neikvæðar afleiðingar streitu, eflir almennt heilsufar og eykur viðnám gegn sjúkdómum. Upledger skólinn á Íslandi mun kynna námið fyrir framan meðferðarherbergið.

20.09.2025 11:00 - 17:00