Vigdís Steinþórsdóttir

Vigdís er hjúkrunarfræðingur, heilari og dáleiðari. Sér um Kærleiksdaga ( heilsuhelgar haldnar nokkrum sinnum ári víða um land ) sem hafa verið haldnir síðan 1997. Heldur utanum Heimsljós sem hefur verið ár hvert frá árinu 2010 í Mosfellsbæ.

Viðburðir

Samkomur

Heilunarguðþjónustan

Heilunarguðþjónusta verður haldin í Lágafellskirkju föstudaginn 19.sep. 2025 kl. 20. Söngur, bæn, heilun. Við hvetjum alla til að koma og taka þátt í fallegri stund. Heilunarstund Græðarar eru staðsettir á nokkrum stöðum fyrir altari. Biðjum þig að hugleiða innra með þér hvað þú biður Guð um að lækna. Biðjum þig að sitja í kyrrð bænarinnar þangað til athöfninni lýkur með blessun. Nærvera þín er mikilvæg. Tónlist og söngur á meðan á heiluninni stendur. Hann sendi þá að boða Guðs ríki og græða sjúka [Lúk,9.2] Séra Arndís G. Bernhardsdóttir Linn þjónar fyrir altari. Enginn aðgangseyrir. Sjá staðsetningu Lágafellskirkju

19.09.2025 20:00 - 21:15

Fyrirlestrar

Tíðnihækkun hvað svo?

Hér mun Vigdís fjalla um tíðnihækkun sem við erum að ganga í gegnum og því sem má búast við í framtíðinni. Upplyfting andans með bjartari tíð og blóm í haga, kærleik og frið. Framtíð sem við sköpum með Því að rækta frið í hjartanu, hreinsa líkamann af fortíðar áföllum og hjálpast að í lífinu. Ítarefni í bókinni; Gullna framtíðin eftir Díönu Cooper.

21.09.2025 11:00 - 11:45

Samkomur

Hópheilun

Hópheilun er síðasta atriðið á Heimsljós hátíðinni og fer fram í matsal skólans. Við erum öll heilarar og munum njóta þess að heila hvert annað og taka á móti alheimsljósinu, sitjarar sjá um verndina og söngur og tónlist eru í höndum Helmu Ýr Helgadóttur. Helma Ýr er hjúkrunarfræðingur og kennari að mennt og starfar í dag sem tónmenntakennari. Hún er með menntun í klassískri tónlist og hefur einnig lokið kennaranámi í MediYoga og Hatha jóga. Hún hefur leitt kórastarf í skóla, möntrukór og tekið þátt í tónlistarviðburðum og tónleikum. Þá hefur hún sótt fjölmörg námskeið og vinnustofur, bæði hérlendis og erlendis, tengd tónlist, söng og möntrum. Helma trúir á lækningarmátt raddarinnar og að tónlist og söngur geti veitt djúpa og hjartnæma heilun. Enginn aðgangseyrir.

21.09.2025 17:20 - 18:20