Bryndís Emilsdóttir

Ég heiti Bryndís Emilsdóttir og hef allt frá barnsæsku haft mikinn áhuga á andlegum málum, lesið mikið og skynjað og vitað ýmislegt þessu tengt án þess að vita almennilega hvernig ég vissi það. Ég lærði hjá Friðbjörgu Óskarsdóttur í Kærleikssetrinu. Ég hef leitt þróunarhópa frá 2008 - 2021, fyrst hjá Kærleikssetrinu en aðallega hjá Sálarrannsóknarfélagi Íslands, þar sem ég aðstoðaði fólk við að efla andlega hæfileika sína, kenndi hugleiðslu, heilun, miðlun og leiðbeindi með tengingar við andlega leiðbeinendur, svo eitthvað sé nefnt. Eins hef ég tekið í einkatíma í heilun og miðlun, þó minna en að vera með hópastarf.
Ég var í stjórn Sálarrannsóknarfélags Íslands til margra ára og forseti félagsins 2015-2017.
Ég hef sótt námskeið hjá hinum ýmsu miðlum, bæði íslenskum sem og erlendum, t.d. Tim Abbott, Isabella Duchene, Steven Upton og Sandy Baker. Ég lærði fyrrilífsdáleiðslu hjá Vigdísi Steinþórsdóttur og það er slík dáleiðsla sem ég mun bjóða upp á núna. Ég starfa hjá Sálarrannsóknarfélagi Íslands og hægt er að panta einkatíma hjá mér í gegnum félagið, s. 5518130 eða í gegnum netið https://www.srfi.is/midill-bryndis-emilsdottir/